又係「當撈侵」惹禍?咪當大家係老襯!

我地翻開上市公司年報,管理層最鍾意講今年環球經濟經濟放緩云云,下刪三千字。通常,口痕友都會揾到位入,質疑這些公司沒有檢視自己的營業策略,卻亂找藉口,甚麼都扣上宏觀經濟。但大家多數都會收貨,因為「基本因素」呀嘛,今年上半年,大家都係得過坐字,生意靜過鬼,明嘅明嘅。我地行多幾個街口,各國央行官僚就無限放大近期 Donald Trump 當選美國總統,搞亂世界。最新例子就係金管局表示因為阿侵做咗新辦事人,震散債市,令外匯基金債券投票收益下跌。呢啲就係「微觀商業撈亂宏觀經濟、宏觀商業撈亂微觀經濟」,唔識就嚇死,識就笑死。 債市危機湧現唔係新鮮事,要追究上嚟,真係可以將時鐘撥番去2008年金融海嘯之前。簡而言之,有兩個point:第一,債市一早就已經被扭曲,成為各國央行放水交數、人人避險入市的逃生門。第二,全球低增長的基本局面沒有改變,反而惡化。 金管局將焦點放喺美債,其實錯唔哂,原因?四個字:聯繫匯率。但恐怕美國國內的情緒或者某人當選總統對美債的影響,應該仲細過其他因素。何解呢? 以前放水救經濟,就真係開printer 狂印。十幾年前,就係央行直接影響銀行隔夜借貸利率,再間接影響市場利率,不過呢一招好快就被人睇穿。 宜家最新的放水模式,就係央行入市買公債、買大企業債、又要買埋ETF 入市,目的係要大包圍,營造財資需求殷切的景氣,鼓勵銀行降低借貸息率,加大向私人部門放款,振興經濟。喺日本,佢地叫做QQE,qualitative and quantitative easing,因為另一個政策目標係間接穩定(aka推低) 日圓匯率,吸引國外資金回流。不過,日圓升勢壓力極大,日央行如意算盤已經打唔響了。 大西洋另一邊,歐洲方面要求比較特別,例如:歐洲央行唔可以持有某國已發行的公債總發行量的三分之一,買債規模又要符合該國的經濟規模。 結果市面上某啲公債,例如:德債,係比人搶貴哂,價格同債息成反比,所以債息跌至零,甚至穿零,進入負利率時代。某啲公債,送比你都無人要,歐洲南北分裂更加白熱化。 如是者,債市回報低係理所當然。不過回報低都唔係大問題,最大問題係央行聯同各地游資海量入市,隻船就會愈開愈慢,突然有一日,有人大量拋售債券,價格急跌,爆煲,債息抽高夾死債仔。管理龐大債券資產的央行就double loss 了。...

「女王退役」與「劏位9變10」的背後的兩個意義

泰國飛國泰,國泰飛泰國。國泰航空近年屢成新聞焦點,先是「管理不善」,又有對沖油價輸突。本來「空中女王」747-400 自國泰機隊退役是人人稱頌的good story,殊不知一單「經濟倉劏位9變10」,國泰又被輿論批評為「賺到盡」。觀乎國泰近年營運狀況,加上近期機種退役與劏位,喺香港的context,背後有兩個意義: 一,「洋行做番老本行」,百足咁多爪,diversification 也。 二,香港的獨特地理優勢與環球角色 01博客李聲揚撰文 (下稱「李文」),解釋傳統航空公司經營日益困難,又點破了「賺到盡」與「乘客評價」的迷思。生意難做,航空公司一係開源,一係節流。適逢「女王退役」,航空市場研究顧問Centre For Aviation (CAPA) 發文,指出近年航空公司業務佔國泰的整體利潤比重從2009年的87.9%,下跌至2015年的59.5%。參考單喺2016年上半年成績,航空公司除稅後虧損達7億,來自附屬及聯屬公司的溢利貢獻則有11億。 國泰的附屬及聯屬公司是甚麼? 例如承辦DHL速遞的華民航空、佔香港航膳市場達66.4%的國泰空廚、國泰空運貨站、地勤公司等等。此外,國泰持有國航兩成股份,又有「國貨航」公司。過去幾年,這些副業佔整體利潤40%,今年上半年更是「一個救全家」。好多人都有一個誤解,以為747從此絕跡國泰。實情是,國泰逐漸引入了更慳油的747-8全貨機,承擔貨運業務,退役的只是為人熟悉的747-400。747系「成也肥大,敗也肥大」,舊款機因為大,全貨機載貨量超過100噸,令業界客運貨運能力大增,隨之而來的問題卻是食油。新款747則保留鵝頭機型,在用料及消耗燃油方面有不少改善。客運業務載一個蝕一個,喺廉航、新航、「中東三寶」、新興的HX香港航空以及UO香港快運夾擊下,市場研究顧問CAPA認為國泰要朝向收入多元化的目標,才能維持競爭力。 講起香港航空,大家都會喺地鐵站見到HX 開拓紐西蘭航點的廣告。市場研究顧問CAPA也引述了一份紐西蘭政府的報告,說明國泰一直以來享有的政策優勢受到動搖。一直以來,香港至奧克蘭線只有國泰及紐西蘭航空組成聯盟 (下稱CX-NZ)營運,並且在北半球冬季的旅遊高峰月份加強班次。2014年,兩間航空公司申請延續策略協議,市場研究顧問CAPA引述政府報告,認為更緊密的航空連接效益不一定單靠CX-NZ反映出來。而最新續期的協議是2019年到期,而非原訂的2021年。國泰多年來的政策優勢,慢慢受到動搖。隨著香港航空開通奧克蘭線及其他不受航權協議限制的航點,國泰的市場份額將會受到進一步考驗。 所以喺目前大環境下,環球運力過盛、中國內地以及香港遊客出行意慾大增、國有航空公司無做油價對沖但勝在財雄勢大、行業自由化,國泰要生存就要將收入多元化同埋節流。國泰做到「百足咁多爪」,由地勤飛機餐做到自家貨站,又利用國有航空公司的特殊優勢,調整收入與利潤。「女王退役」,就係善用機種特色,例如用新747系主力做貨運,777 作長途客運,再引入慳油新機例如A350,維持國泰在長途市場的競爭力。「劏位」意義,則不言而喻了。...