城商行之比較

money-742052_1920-700x525

「美國聯儲局議息結果通過維持聯邦基金利率不變,但由於加息條件已經形成,預期聯儲局會於本年內加息一次」,以上係今早將老狐狸從睡夢中拉回番工的現實聽到既第一句說話。

其實老狐狸一早已預計美國在日本的所謂「量寬」下不會在此時收緊銀根,說到底在全球經濟仲係未係好好時,自己提高息率要自己俾高息去續命係一件好傻的事,而餘下的11月和12月份議息,係耶倫大大聲話今年會加息一次的聲明下,美國為保名聲應該會係12月加息,點解唔係11 月?因為大選嘛,無乜野都唔會係個個月度做野啦,咁市場就可以安安心心炒到12月,當足佢12月加息咁炒,至於中間會唔會有野發生?當然有,就係唔好俾阿當奴到咯,係就世界大亂了。

今早一開市,香港個市好似好好境咁狂升3舊幾,但未到下午就頂唔住,而老狐狸就係在早上替狐狸太太倉買入了一隻城商行 哈爾濱銀行 (6138.HK),平均價約$2.39,就趁呢個時間睇一睇呢個sector。

可能好多朋友都會話中資銀行業績麻麻,壞賬又勁,仲俾政策操控,好大風險喎。老狐狸從來無話過今年大型中資銀行係好,但如果你仔細睇下呢批城商行,特別係哈爾濱銀行,佢又有佢既beauty。

哈爾濱銀行 (6138.HK)

– 截至6月底止半年業績,淨利息收入按年上升21.6%至54億元(人民幣‧下同)

– 手續費及佣金淨收入則升33.5%至12.63億元

– 盈利上升15%至24.2億元,優於大型股份制及國有銀行。

– 核心一級資本充足比率跌0.8個百分點至10.34%

– 不良貸款率亦按年升0.14個百分點至1.54%;撥備覆蓋率則削14個百分點至159.7%水平。

 

整體來說佢細有細既好處,而相比番其他城商行(截至9月21日經濟通數字):

%e8%9e%a2%e5%b9%95%e5%bf%ab%e7%85%a7-2016-09-23-%e4%b8%8b%e5%8d%887-10-31

亮點在那裡?

  1. 現價: 仍低於14年3月上市時約18%,為眾城商行中潛得最深
  2. 市賬率: 只是0.684x,亦為眾城商行中最低的
  3. 歷史市盈率: 低於5倍,為甚低水平
  4. 息率: 5.367%,為眾城商行最高
  5. 圖表: 7月份開始緊貼住10天線上升

111

當然,佢唔係無風險的,除大家擔心的壞帳和政策風險外,其業務亦較大比例與俄羅斯有關,俄國經濟對其有一定影響,但水能覆舟,亦能載舟,亦可視為其他城商行沒有的獨特賣點。

而最重要一點係近年上市的城商行和中小型股份制銀行認為港股未能反映其價值,對其未來集資有影響,相反近日在國內A股上市的類似股份則炒過不亦樂乎,故多間香港上市的城商行已陸續排隊回A股上市,除哈爾濱銀行外,其餘包括了重慶銀行、徽商銀行、盛京銀行、錦州銀行、鄭州銀行和青島銀行等,雖不算是新聞,但如果大家有留意的話近日錦州銀行 (416.HK)股價一放絶塵,小弟相信若然有一間獲批回歸上市,則一人得道,雞犬皆升。

老狐狸一向唔鍾意隨波逐流,故此咁樣搵股票往往要等好耐時間至可能反映到,所以呢D股份要有一定的防守力,如息率好、市盈率低…。呢D股份亦只岩可以以中長線投資的老狐狸太太。

 

如大家有興趣,歡迎大家加老狐狸的FANPAGE交流下啦

https://www.facebook.com/oldfoxfanclub

(以上內容不構成投資建議、游說,股票價格可升可跌,甚至全無價值,請向閣下投資顧問查詢)

(老狐狸持有上述股份)

老狐狸

(原文刊於全民媒體網頁)