選舉年 睇Eprint

螢幕快照-2016-07-20-下午2.27.24-700x403

Eprint網頁截圖


每次選舉年,我會建議大家留意幾隻股票,一隻係Eprint集團(1884),另外就係領展(0823)同港鐵(0066),今次講左第一隻先。選舉年,大家最常收到咩?唔係蛇齋餅糉。係單張。Eprint集團旗下兩大品牌,分別係E-Print同E-banner,兩間公司已經可以食晒選舉個啲單張同Banner嘅訂單,計速度,計門市規模,計質素,計價錢,E-print確實滿足到日日都打緊仗嘅選舉團隊。

E-print而家有13間門市,基本上遍佈五大地方選區,分店網絡其實發展得唔錯,應該香港黎講係數一數二地大,好方便選舉團隊去幫襯印野。質素黎講,我諗幫襯過E-print嘅朋友就知,其實喺網上平台upload完,過左數,過一日就可以去拎貨,質素、速度、效率其實真係好高,我到而家間唔中都會幫襯下。

其實E-print最重要贏嘅地方,係價錢平,一來而家E-print主要用緊嘅觀塘廠房,係自己資產,慳返租,二來紙價冇乜升過,大批買入就令E-print呢類大企業可以再平啲買。E-print上年度純利下跌,最主要係同E-banner呢項業務新入數有關。但睇返成份表,成本控制係做得唔錯,而網上同移動業務都有最少20%增長。選舉年期間,預計呢兩方面嘅收入會繼續增加。

今年2月嘅新東補選戰況幾激烈,單係泛民大黨支持嘅候選人,已經用左80萬去印小冊子、單張同Banner。喺常規選舉入面,加埋成100隊人馬花喺印單張、小冊子、Banner嘅數一定會再加好多。而家淨係計超級區議會,已經有9隊人參加,每隊最少使400萬嘅開支同最少20%印單張同Banner計,已經講緊720萬。而家Eprint印緊9折優惠,吸引政黨客幫襯,價錢黎講,應該真係全行最低。單係立法會選舉,為Eprint集團會帶黎可觀收益。呢條數,仲未數到12月嘅選委會選舉,同出年3月嘅特首選舉。

選舉年,3個選舉,睇實Eprint是常識吧。

文若

(原文刊於 全民媒體網頁)